11.4.18

Obradoiro de xornalismo e pensamento crítico

No mes de abril tivemos, o alumnado de 4º da ESO, varias actividades educativas relacionadas coa tecnoloxía e o mundo dos medios de comunicación e unha delas tivo lugar o xoves día 5 na Biblioteca do Centro impartida por Blanca Díaz, xornalista e especialista en comunicación, que nos fixo reflexionar criticamente sobre o labor xornalístico.
Esta profesional ten unha empresa denominada “Elenda” que vende os seus servizos de creación e mellora de páxinas web e edición de libros para empresas ou particulares.
Este día realizamos diversas actividades vencelladas co xornalismo tales como a análise de fotografías coa regra das 5W`S+H, a interpretación dun texto para tratar de recoñecer o seu autor (algo que ninguén conseguiu averiguar…), a clasificación de distintos tipos de artigos que lemos todos os días e tratando de reconvertelos noutros tipos distintos…
Na charla desta xornalista tamén se nos mostrou que os periódicos poucas veces son obxectivos; é máis, ás veces pecan de incertos e oportunistas.

Accede a reportaxe fotográfica aquí.
MARÍA FANEGO
4º ESO

Sem comentários:

Enviar um comentário

Related Posts Plugin for WordPress, Blogger...