Recital Día de Rosalía na Casa Museo de Manuel María

O EDLG participou o sábado 27 de febreiro no recital poético "Rosalía sempre viva" convocado pola Casa-Museo Manuel María en Outeiro de Rei, con dous alumnos de 1º de Bacharelato, Enya Riveira e Andrés Andrade

Participaron nesta fase final un total de 133 estudantes de toda Galiza, en 4 categorías, de Infantil a Bacharelato, que recitaron poemas de Rosalía e Manuel María, o escritor ao que este ano se dedican as Letras Galegas.

Na lingua que eu falo

Ciclos Formativos - Portas Abertas 2016 para o IES Monte Castelo

Os días 24 e 25 de febreiro, as aulas dos Ciclos Formativos do IES Perdouro abriron as súas portas ao alumnado de 3º de ESO e 1º Bach. do IES Monte Castelo para dar a coñecer a súa oferta educativa. Consistiu nunha visita guiada e práctica onde o profesorado de FP lles explicou a carga horaria dos módulos impartidos, as actividades prácticas realizadas, a FCT e as posibles saídas laborais dos ciclos formativos de grao medio e superior. 

Charla sobre desigualdade e violencia de xénero

Ana Belén Pacio Rodríguez, Xefa da Unidade conta a violencia sobre a muller, impartiu esta mañá na biblioteca do centro dúas conferencias "Pola igualdade, pola non violencia" destinadas ao alumnado de 2º de ESO e de 1º de Formación Profesional Básica para informalos sobre descriminación e violencia de xénero.
Esta actividade forma parte do Plan Director para a convivencia e a mellora da seguridade escolar nos centros educativos e nos seus contornos, e ten como obxectivo sensibilizar o noso alumnado contra a violencia de xénero e estereotipos sexistas para destacar a importancia da educación en valores e coñecer os modos de previlos e denuncialos.

María Permuy, orientadora do centro burelés, destaca que os centros educativos teñen un rol fundamental para vencer estereotipos. "A educación entre os rapaces é a ferramenta máis efectiva para combater a desigualdade e previr a violencia de xénero. Desgraciadamente queda aínda moito por facer e seguiremos traballando a diario os valores de igualdade entre homes e mulleres e desmontando modelos "machistas" aínda moi presentes en cancións e programas televisivos."

Loitemos entre todos para erradicar a violencia de xénero.

Recitando a Rosalía de Castro en francés

Co gallo de celebrar o nacemento da poeta, Rosalía de Castro, o alumnado de 1º de bac. fixo esta fermosa pequena homenaxe.

Sesións de prevención sobre drogodependencia

Maite Lanza, traballadora da Unidade de Drogodependencia de Burela, estivo ao longo destas dúas semanas, impartindo sesións informativas sobre drogodependencia destinadas ao alumnado de toda a ESO. A traballadora social explicou aos alumnos de xeito gradual aos efectos nocivos do tabaco, do alcool e outras drogas e fixo prevención en materia de drogodependencia. María Permuy, orientadora do centro,  lembrou que  entre as intervencións de promoción da saúde desenvolvido no centro a prevención é fundamental para previr males hábitos e promover modelos de vida saudable.

Tendencias en corte de cabelo e coloración capilar - CM Peiteado e cosmética capilar

O Departamento de Imaxe Persoal do IES Perdouro de Burela organizou esta mañá un obradoiro de tendencias en corte de cabelo e coloración capilar destinado ao seu alumnado do ciclo medio de Peiteado e cosmética capilar.

Dous técnicos do equipo artístico da casa comercial "Hair Concept" visitaron o taller de Imaxe Persoal do centro burelés para achegar ás técnicas máis actuais e vanguardistas do momento. Estos profesionais que contan cunha experiencia artística de máis de dúas décadas, viaxaron desde Barcelona para ensinar o método de asesoramento técnico que desenvolven dentro do seu equipo. Ademais os alumnos do Ciclo medio de Peiteado e cosmética capilar aprenderon técnicas de corte de cabelo con metodoloxía depurada ao estilo máis británico que levaron á practica. Os técnicos ensináronlles técnicas procedentes do legado "Vidal Sassoon", quén fixo revolucionar e evolucionar a profesión do peiteador con cortes xeométricos e simplistas na década dos 80 inspirado no movemento "bauhaus" e que mantén escola inglesa avanzada onde técnicos como os que visitaron o IES Perdouro seguen a especializarse. Remataron os cortes de cabelo con cores de fantasía da firma HC.

O departamento de Imaxe Persoal do IES Perdouro aposta por estar en contínuo contacto cos profesionais do sector para que estas actuacións formativas contribúan a mellorar o talento e a creatividade do seu alumnado do Ciclo Medio de Peiteado e cosmética capilar, un valor engadido para o seu desenvolvemento profesional. 

Novidades BiblioPerdoruo

Últimas novidades: biografías de interese.

Saída literaria de 3º de ESO: Quixote e Manuel María

Co galo do cuarto centenario da publicación da Segunda Parte do Quixote como do falecemento do Fénix das letras castelás, o alumnado de 3º de ESO viaxou o 22 de febreiro ata Santiago para asistir no teatro principal á representación das obras La española inglesa e Las dos doncellas das Novelas ejemplares de Miguel de Cervante, dúas historias protagonizadas por mulleres. As vivencias que Cervantes acumulou na súa vida reflíctense aquí nun despregue de localizacións e de belas historias relacionadas con elas. Guía didáctica.

Xa pola tarde, o alumnado foi visitar a Casa Museo de Manuel María, en Outeiro de Rei, para coñecer a vida e obra do autor homenaxeado das Letras Galegas deste ano.

A actividade foi organizada conxuntamente polo departamento de Lingua Castelá e Lingua Galega.

Saída formativa para o alumnado da familia profesional de Administración

Alumnos do Ciclo Medio de Xestión Administrativa e do Ciclo Superior de Administración e Finanzas visitaron o pasado 18 de febreiro dúas empresas: Innolact-Quescrem en Castro e Cafés Candela en Lugo, para coñecer o proceso produtivo ademais da loxística e xestión comercial. 

Obradoiro sobre ferramentas de comunicación online

O alumnado de ciclos formativos de grao medio e superior de Administración realizou esta mañá un obradoiro deseñado por Elenda sobre ferramentas de comunicación online "(Saber) estar en Internet". A actividade dinamizada por Blanca desenvolveuse segundo diferentes roles: unha tenda-bar de productos ecolóxicos, un centro de fisioterapia, unha asesoría cunha información previa sobre estas empresas ficticias co fin de que os/as alumnos/as crearan un "miniplan" de comunicación.

#MobilizaRosalía

A Asociación de Escritoras e Escritores en Lingua Galega (AELG) disponse a conmemorar un ano máis o Día de Rosalía de Castro. O 24 de febreiro, fixado no Calendario do Libro e da Lectura como aniversario do nacemento da autora, esta entidade propón á cidadanía que agasalle un libro en galego e unha flor, alén doutras accións que contaron con grande aceptación e impulso por parte da sociedade, e moi especialmente polo sector educativo, como se pode comprobar no arquivo audiovisual e de imaxes da nosa web.

#MobilizaRosalía. 

O Día de Rosalía de Castro nas redes sociais.

 

Arranca o Torneo de Xadrez do IES Perdouro

O torneo de Xadrez 2016 promovido por Manuel Vilariño, profesor de matemáticas, co obxetivo de estimular o pensamento matématico e desenvolver estratexias mentais, acaba de empezar.  

Nesta edición competirán un total de 36 alumnos/as de ESO e Bacharelato que desfrutarán dun torneo cheo de tensión e moita deportividade.

Fomos finalistas do Premio á Acción Maxistral 2015 con "Proxecto Neo"

Acabamos de recibir o noso diploma acreditativo: fomos Finalistas Autómicos co noso programa de radio educativa "Proxecto Neo", proxecto presentado por Bernardo Penabade Rei, Miruca Parga Valiña, Karina Parga chao, María José Andión Fontela e Jose Ramón Leiva Arrojo ao Premio á Acción Maxistral 2015. Con data de 22 de xullo soubemos que resultábamos finalista en Galicia mais non resultamos gañadores. En total, aos premios Acción Maxistral 2015 presentáronse, na súa undécima edición, un total de 534 proxectos educativos de profesores e centros escolares de todo o país que desenvolveron durante o curso 2014/2015 unha iniciativa ou experiencia en infantil-primaria, secundaria ou educación especial.

A Comisión de Avaliación Nacional do Premio á Acción Maxistral 2015, convocada pola Fundación de Axuda contra a Drogadicción (FAD), a Comisión Nacional Española de Cooperación coa UNESCO e o BBVA, seleccionou finalista autonómico da súa undécima edición a un proxecto educativo do IES Perdouro de Burela na categoría B correspondente ao Ensino Secundario Obrigatorio e Bacharelato.

O proxecto chamado “Proxecto Neo” centrase na elaboración dun plan de atención específica para a integración do alumnado inmigrante e pretende ademáis reforzar a socialización de persoas en risco de exclusión, fomentar a interculturalidade nos medios de comunicación, concretamente na emisora local "Radio Burela".

Nesta undécima edición do premio, presentáronse 534 proxectos de profesores e centros escolares de toda España, 39 de Galicia e entre os 7 finalistas autonómicos de Galicia, está o IES Perdouro de Burela.

"O feito de conseguir estar entre os finalistas nun concurso deste tipo para o IES Perdouro, é moi satisfactorio. É un recoñecemento ao traballo desenvolvido por un equipo de docentes en prol da integración e interculturalidade, un traballo as veces ardúo que levamos facendo dende hai varios anos. " indicou Karina Parga, Vicedirectora do centro burelés. "Este diploma chega no momento en que o noso programa de radio educativa alcanzará mañá as 150 emisións. Proxecto Neo faise ao vivo e en directo todos o mércores de 17h a 18h na emisora do corazón da Mariña, Radio Burela." explica Mª José Andión, xefa de estudo do Perdouro.

Rosalía de Castro en BiblioPerdouro

Pásate pola biblioteca para ler a Rosalía de Castro ou ben escoitar a Najla Shami cantar na Lingua que eu Falo

Temos fermoso libros CD que podes levar para casa e un poemario audio da rapeira galega Aid.

Acto de presentación de "Nefelibata" de Maka Ledo na biblioteca do IES Perdouro

Esta mañá tivo lugar na biblioteca do IES Perdouro a presentación do primeiro libro da nosa alumna de 2º de Bach. Macarena Ledo Vázquez. Abriu o acto o señor director do centro educativo, retratando o carácter polifacético da autora principiante (ademais de ser alumna de 2º de Bacharelato, Maka adica o seu tempo libre a ser actriz de teatro, locutora de radio, monitora de tempo libre, blogueira e escritora). Fixo mención aos seus múltiples premios literarios de índole local, nacional e incluso internacional. A continuación tomou a palabra Mónica Filgueira Formoso, artista ourensá, quen foi a encargada de ilustrar "Nefelibata". Fixo da relatora novel unha presentación chea de emocións e poesía. Logo, Macarena Ledo explicou o significado de "Nefelibata", título da súa obra acorde coa súa personalidade. O seu primeiro libro que recolle 70 relatos curtos dividos en 3 partes naceu da sorpresa coa que quixo agasallar os seus familiares e seres queridos nas pasadas festas navideñas. Quedaron moitas cousas por contar máis xa sabemos que o vindeiro venres 26 de febreiro ás 20h15 na libraría Nobel de Burela, Maka Ledo presentará novamente ao público "Nefelibata".

Maka Ledo presenta "Nefelibata", o seu primeiro libro.

A biblioteca do IES Perdouro acollerá mañá venres, día 12 de febreiro, a presentación do libro Nefelibata da nosa alumna, Macarena Ledo Vázquez. No acto de presentación contaremos ademaís coa presenza da artista ourensá, Mónica Filgueira Formoso, ilustradora da portada. Esperámosvos!!

.

San Xoán Bosco 2016 - finais das competicións deportivas

Os Campionatos de San Xoán Bosco, organizados pola A.C. “Os Matos”, é unha das actividades anuais do I.E.S. Perdouro. Durante o mes de xaneiro, o alumnado de 1º e 2º de E.S.O. participou en diversas modalidades lúdicas e deportivas, que remataron na mañá do martes 2 de febreiro.

Os participantes puxeron ilusión e gañas nas distintas  modalidades que se ofertaban:

•     Individuais:  Xadrez e Damas;
•     Parellas: Construcción de Puzzles;
•     Grupos: Baloncesto e fútbol sala.

As primeiras eliminatorias, e as finais individuais e de parellas, desenvolvéronse nas instalacións do centro durante os recreos, ata o día 29 de xaneiro. As finais de grupos disputáronse no pavillón polideportivo dos institutos o día 2 de febreiro pola mañá, rematando a xornada cunha sesión de xogos populares na que participou todo o alumnado. 

Da organización e coordinación dos Campionatos encargouse a profesora de Educación Física e o profesor de Relixión, contando co apoio do Equipo Directivo do Instituto.

Os vencedores das distintas modalidades, que recibiron as súas correspondentes medallas, son:

• Xadrez: Luis Pernas Maseda (1º ESO B)
• Damas: Jorge Quelle Gómez (1º ESO B)
• Puzzles: Ainhoa Fanego Lestegás e Carla Fra García (2º ESO A)
• Baloncesto Mixto: Equipo de 2º ESO A (Alex, Iván Carla, Ainhoa, Irina, Pol, Miguel e Marta)
• Fútbol Sala Masculino: Equipo 2º ESO B (Jairo, Edmilson, Nicolau, Pablo, Iago, Brais, Alfredo e Bruno)

Entroido 2016

visita á Coruña e Outeiro de Rei - 1º de bach. e 2º FPB

Este xoves, día 4 de febreiro, os alumnos de 1º de Bacharelato e de 2º de FP básica visitaron a Facultade de Informática, onde foron recibidos pola vicedecana, Susana Ladra González, que os acompañou en todo momento polos laboratorios, aulas e outras dependencias da facultade. Tamén visitaron o "corazón informático" de todo o campus, unha sala refrixerada chea de torres de racks onde se localizan os ordenadores centrais.

Despois o grupo de alumnos foi coñecer os quefaceres do CITIC, o Centro de Investigación de Tecnoloxías da Información e da Comunicación da Universidade da Coruña, unha visita moi interesante onde o alumnado puido reflexionar sobre as necesidade da investigación, do desenvolvemento e da innovación, I+D+i, para o ben común de todos.

Xa pola tarde, a comitiva achegouse ata a Casa Museo de Manuel María en Outeiro de Rei para coñecer a vida e obra dun home comprometido coa súa terra. 

Elena Valle - 2º premio XXI Certame literario Trapero Pardo

A nosa alumna de 2º de Bacharelato, Elena Valle García, foi recoller esta tarde no salón de plenos do Concello de Lugo un dos premios do XXI Certame de Contos e Relatos Curtos Trapero Pardo. Acadou co seu relato "Xogas" o 2º premio na categoría 15-18 anos valorado en 130 euros.  Todos os gañadores recibiron ademais un diploma e un lote de libros. O profesor Castro Castedo, membro do xurado e promotor da iniciativa, fixo unha valoración moi positiva da creatividade literaria dos premiados e animounos a seguir lendo para seguir escribindo e converterse, quen sabe, nun futuro Cunqueiro nun Fole ou nun Manuel María.

Parabéns Elena !!!!!

Viaxe a Ferrol

O mércores 27 de xaneiro, os alumnos de 1º Bacharelato asistiron pola mañá, acompañados das profesoras do Depatamento de Lingua castelá, á representación teatral La dama boba de Lope de Vega en Ferrol. Pola tarde, fixeron unha visita guiada polo historiador de Ferrol, Justino Fernández Negral, que lles explicou, de maneira amena e moi práctica, o urbanismo e o Modernismo da cidade de Ferrol.